السلام عليكم ورحمة الله وبركاته

 

 

كيفكم ياحلوووين ؟؟

 

كلنا يعرف حركة اللودنج ( التحميل ) اللي يجي في أي ملف يوتوب إشارة أن الملف قاعد يتحمل وهو عبارة عن دوائر صغيرة تدور في حركة دائرية جميلة ..

 

لقيت درس تصميمها وترجمته لكم وإن شاء الله يعجبكم ..

 

يللا نبدأ الدرس .. ( الدرس يحتاج شوية تركيز ) ..

 

 

- نفتح ملف جديد بهالمقاسات والخيارات ..

 

 

طبعاً تبوا تغيروا الابعاد على كيفكم ..

هنا نلاحظ اننا اختر مود الالوان التدرج الرمادي عشان تطلع خيارات الالوان رصاصية مو ملونة .. لو عاوزينها تطلع ملونة زي اللودنج تبعي الفوشي اختاروا مود الالوان RGB ..

 

- الحين راح نختار أداة رسم الشكل الدائري .. ونرسم خمس دوائر متساوية ..

 

 

يكفي ترسم دائرة وحدة وتكررها اربع مرات وبكذا يصير معك خمس دوائر ..

 

 

- الحين نبدأ في تغير شفافية كل طبقة .. ركزوا زين معاي في دي النقطة ..

 

راح نبدأ من الطبقة العليا ونخلي شفافيتها 80 %

الطبقة 2 نخليها 60 %

الطبقة 3 نخليها 40 %

الطبقة الرابعة نخليها 20 %

الطبقة الخامسة الاخيرة نخليها 10%

راح نبدأ هالتغيير من فوق لتحت ..

 

- راح تطلع معكم الدوائر بهالشكل ..

 

 

- الحين راح ننشئ مجلد ( وليس طبقة) ونسميه رقم 1 .. ونسحب فيه الدوائر بالترتيب الاول ..

 

 

- الحين ننسخ المجلد 4 نسخ ونرقمها تصاعدياً ..

راح يطلع معانا هالشكل ..

 

 

- الحين راح نبدأ نغير في شفافية دوائر كل المجلدات وهذي الخطوة الأهم في الدرس لانوو لو مازبطت ماراح يطلع اللودنغ تمام ..

عاد أنا سهلتها لكم وسويتها في صورة وحدة عشان تطبقون زيها ..

 

 

لونت كل مجلد بلون ..

لو تلاحظون كل مجلد بأنقص شفافيته بأقل من اللي قبله ..

 

- بعد ماخلصنا تخفيف الشفافية نخفي العين من كل المجلدات ماعدا المجلد الاساسي .. اللي راح يكون أسفل شي ..

 

 

- الحين ننتقل لبرنامج الاميج ريدي ..

 

راح يطلع معانا التصميم ولوح الشفائف وشريط الحركه الانيميشن .. لو ماطلع معاكم روح قائمة window - animation وراح يطلع معاكم ..

راح نشوف أول مجلد بأول فريم .. راح نغير سرعته من صفر إلى 0.1

ونضغط على ايكونة فريم جديد .. ونروح نخفي العين من المجلد الاساسي ونظهر عين المجلد اللي بعده زي الصورة ..

وهكذا لين مانخلص الخمس مجلدات ..

 

- عشان نحفظهم نختار من قائمة فايل save optimized as وحفظ ..

 

وبكذا انتهينا ..

 

وراح تكون النتيجة زي هالصورة ..

 

 

 

الكاتب : Hope